World Boxing Championships: ਨਿਖਤ, ਨੀਤੂ, ਲਵਲੀਨਾ ਅਤੇ ਸਵੀਟੀ ਫਾਈਨਲ ‘ਚ

#038;imwidth=1200&imheight=628" alt="">

World Boxing Championships: ਮਹਿਲਾ ਵਿਸ਼ਵ ਮੁੱਕੇਬਾਜ਼ੀ ਚੈਂਪੀਅਨਸ਼ਿਪ ਵਿੱਚ ਭਾਰਤੀ ਮੁੱਕੇਬਾਜ਼ਾਂ ਦਾ ਸ਼ਾਨਦਾਰ ਪ੍ਰਦਰਸ਼ਨ ਜਾਰੀ ਹੈ। ਨਿਖਤ ਜ਼ਰੀਨ, ਨੀਤੂ ਘੰਘਾਸ, ਲਵਲੀਨਾ ਬੋਰਗੋਨਹੇਨ ਅਤੇ ਸਵੀਟੀ ਬੋਹਰਾ ਨੇ ਫਾਈਨਲ ਵਿੱਚ ਥਾਂ ਬਣਾਈ ਹੈ। 50 ਕਿਲੋ ਭਾਰ ਵਰਗ ਵਿੱਚ ਨਿਖਤ ਜ਼ਰੀਨ ਨੇ ਸੈਮੀਫਾਈਨਲ ਮੈਚ ਵਿੱਚ ਕੋਲੰਬੀਆ ਦੀ ਇੰਗਰਿਡ ਵੈਲੇਂਸੀਆ ਨੂੰ ਹਰਾਇਆ। ਦੂਜੇ ਪਾਸੇ ਨੀਤੂ ਘੰਘਾਸ ਨੇ ਕਜ਼ਾਕਿਸਤਾਨ ਦੀ ਅਲੂਆ ਬਾਲਕੀਬੇਕੋਵਾ ਨੂੰ ਹਰਾਇਆ। ਲਵਲੀਨਾ ਨੇ 75 ਕਿਲੋਗ੍ਰਾਮ ਵਰਗ ਦੇ ਸੈਮੀਫਾਈਨਲ ‘ਚ ਚੀਨ ਦੀ ਲੀ ਕੁਆਨ ਨੂੰ ਹਰਾਇਆ। ਸਵੀਟੀ ਨੇ 81 ਕਿਲੋਗ੍ਰਾਮ ਵਰਗ ਦੇ ਸੈਮੀਫਾਈਨਲ ਵਿੱਚ ਆਸਟਰੇਲੀਆ ਦੀ ਐਮਾ ਗ੍ਰੀਨਟੀ ਨੂੰ ਹਰਾਇਆ।

ਘੱਟੋ-ਘੱਟ ਚਾਰ ਭਾਰਤੀ ਮੁੱਕੇਬਾਜ਼ਾਂ ਨੇ ਇਸ ਮੁਕਾਬਲੇ ਵਿੱਚ ਆਪਣੇ ਆਪ ਨੂੰ ਤਗਮੇ ਦਾ ਭਰੋਸਾ ਦਿਵਾਇਆ ਹੈ। ਨਿਖਤ, ਲਵਲੀਨਾ ਨੀਤੂ ਅਤੇ ਸਵੀਟੀ ਨੇ ਫਾਈਨਲ ਵਿੱਚ ਥਾਂ ਬਣਾ ਕੇ ਘੱਟੋ-ਘੱਟ ਚਾਂਦੀ ਦਾ ਤਗ਼ਮਾ ਪੱਕਾ ਕਰ ਲਿਆ ਹੈ। ਨੀਤੂ ਘੰਘਾਸ 48 ਕਿਲੋ, ਨਿਖਤ ਜ਼ਰੀਨ 50 ਕਿਲੋ, ਲਵਲੀਨਾ ਬੋਰਗੋਨਹੇਨ 75 ਕਿਲੋ ਅਤੇ ਸਵੀਟੀ ਬੂਰਾ 81 ਕਿਲੋਗ੍ਰਾਮ ਵਿੱਚ ਮੁਕਾਬਲਾ ਕਰ ਰਹੀ ਹੈ।

ਇਹ ਖਿਡਾਰੀ ਬਾਹਰ ਹਨ
ਭਾਰਤ ਦੀ ਸਾਕਸ਼ੀ ਚੌਧਰੀ 52 ਕਿਲੋਗ੍ਰਾਮ ਵਰਗ ਦੇ ਕੁਆਰਟਰ ਫਾਈਨਲ ਵਿੱਚ ਚੀਨ ਦੀ ਯੂ ਵੂ ਤੋਂ ਹਾਰ ਗਈ ਸੀ ਅਤੇ ਮੁਕਾਬਲੇ ਵਿੱਚੋਂ ਬਾਹਰ ਹੋ ਗਈ ਸੀ। ਜਦਕਿ 2022 ਦੀ ਕਾਂਸੀ ਤਮਗਾ ਜੇਤੂ ਮਨੀਸ਼ਾ ਮੌਨ 57 ਕਿਲੋਗ੍ਰਾਮ ਵਰਗ ਦੇ ਕੁਆਰਟਰ ਫਾਈਨਲ ਵਿੱਚ ਫਰਾਂਸ ਦੀ ਅਮੀਨਾ ਜਿਦਾਨੀ ਤੋਂ ਹਾਰ ਗਈ। ਜੈਸਮੀਨ ਨੂੰ 60 ਕਿਲੋਗ੍ਰਾਮ ਵਰਗ ‘ਚ ਕੋਲੰਬੀਆ ਦੀ ਪਾਓਲੋ ਵਾਲਡੇਜ਼ ਤੋਂ ਹਾਰ ਦਾ ਸਾਹਮਣਾ ਕਰਨਾ ਪਿਆ, ਜਦਕਿ 81 ਕਿਲੋਗ੍ਰਾਮ ਤੋਂ ਜ਼ਿਆਦਾ ਵਰਗ ‘ਚ ਨੂਪੁਰ ਨੂੰ ਕਜ਼ਾਕਿਸਤਾਨ ਦੀ ਲਜਾਤ ਕੁੰਗੇਬਾਏਵਾ ਨੇ 4-3 ਨਾਲ ਹਰਾਇਆ। ਇਹ ਸਾਰੇ ਬਾਊਟ ਹਾਰ ਕੇ ਮੁਕਾਬਲੇ ਤੋਂ ਬਾਹਰ ਹੋ ਗਏ ਹਨ।

ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ ‘ਤੇ ਵੀ ਫੋਲੋ ਕਰ ਸਕਦੇ ਹੋ।

Source