ਦਿੱਲੀ-NCR ਵਾਲਿਆਂ ਲਈ ਖੁਸ਼ਖਬਰੀ ! CNG-PNG ਹੋਈ ਸਸਤੀ, ਐਤਵਾਰ ਤੋਂ
- India
- April 14, 2023
- No Comment
- 69
#038;imwidth=1200&imheight=628" alt="">
CNG-PNG Prices Reduced : ਦਿੱਲੀ NCR ‘ਚ ਰਹਿਣ ਵਾਲੇ ਲੋਕਾਂ ਲਈ ਵੱਡੀ ਖਬਰ ਹੈ। ਅਡਾਨੀ ਤੋਂ ਬਾਅਦ ਹੁਣ ਇੰਦਰਪ੍ਰਸਥ ਗੈਸ ਲਿਮਟਿਡ (IGL) ਨੇ ਵੀ CNG ਦੀਆਂ ਕੀਮਤਾਂ ‘ਚ ਕਟੌਤੀ ਕੀਤੀ ਹੈ। ਦਿੱਲੀ ‘ਚ ਕੀਮਤ ‘ਚ 6 ਰੁਪਏ ਅਤੇ ਗਾਜ਼ੀਆਬਾਦ ਅਤੇ ਨੋਇਡਾ ‘ਚ 5 ਰੁਪਏ ਦੀ ਕਟੌਤੀ ਕੀਤੀ ਗਈ ਹੈ। ਇਸ ਦੇ ਨਾਲ ਹੀ IGL ਨੇ PNG ਦੀਆਂ ਕੀਮਤਾਂ 5 ਰੁਪਏ ਪ੍ਰਤੀ ਯੂਨਿਟ ਤੱਕ ਘਟਾਉਣ ਦਾ ਫੈਸਲਾ ਕੀਤਾ ਹੈ। ਇਹ ਕੀਮਤਾਂ ਕੱਲ੍ਹ ਯਾਨੀ 9 ਅਪ੍ਰੈਲ, 2023 ਤੋਂ ਲਾਗੂ ਹੋਣਗੀਆਂ। ਕੀਮਤ ਵਿੱਚ ਕਟੌਤੀ ਤੋਂ ਬਾਅਦ CNB ਹੁਣ ਦਿੱਲੀ ਵਿੱਚ 73.59 ਰੁਪਏ ਪ੍ਰਤੀ ਕਿਲੋਗ੍ਰਾਮ ਹੋ ਜਾਵੇਗਾ। ਪਹਿਲਾਂ ਇਹ 79.56 ਪ੍ਰਤੀ ਕਿਲੋ ਵਿਕ ਰਿਹਾ ਸੀ।
ਐਨਸੀਆਰ ਦੇ ਹੋਰ ਖੇਤਰਾਂ ਵਿੱਚ ਕੀ ਹੈ ਨਵੀਂ ਕੀਮਤ ?
ਦਿੱਲੀ ਵਿੱਚ ਜਿੱਥੇ ਸੀਐਨਜੀ 73.59 ਰੁਪਏ ਪ੍ਰਤੀ ਕਿਲੋ ਵਿਕ ਰਹੀ ਹੈ। ਇਸ ਦੇ ਨਾਲ ਹੀ ਨੋਇਡਾ ‘ਚ ਇਹ 73.59 ਰੁਪਏ, ਗ੍ਰੇਟਰ ਨੋਇਡਾ ਅਤੇ ਗਾਜ਼ੀਆਬਾਦ ‘ਚ 77.20 ਰੁਪਏ ਅਤੇ ਗੁਰੂਗ੍ਰਾਮ ‘ਚ 82.62 ਰੁਪਏ ਪ੍ਰਤੀ ਕਿਲੋਗ੍ਰਾਮ ਦੇ ਹਿਸਾਬ ਨਾਲ ਵਿਕ ਰਹੀ ਹੈ। PNG ਦੀਆਂ ਕੀਮਤਾਂ ਦੀ ਗੱਲ ਕਰੀਏ ਤਾਂ ਦਿੱਲੀ ਵਿੱਚ ਇਹ 48.59 ਰੁਪਏ ,ਨੋਇਡਾ, ਗ੍ਰੇਟਰ ਨੋਇਡਾ ਅਤੇ ਗਾਜ਼ੀਆਬਾਦ ਵਿੱਚ 48.46 ਰੁਪਏ ਪ੍ਰਤੀ SCM ਦੇ ਹਿਸਾਬ ਨਾਲ ਵੇਚੀ ਜਾਵੇਗੀ। ਜਦੋਂ ਕਿ ਗੁਰੂਗ੍ਰਾਮ, ਰੇਵਾੜੀ, ਕਰਨਾਲ ਅਤੇ ਕਰਨਾਲ ਅਤੇ ਕੈਥਲ ਵਿੱਚ ਪੀਐਨਜੀ 47.40 ਰੁਪਏ ਵਿੱਚ ਵੇਚੀ ਜਾਵੇਗੀ।
ਪੀਐਨਜੀ ਦੀਆਂ ਕੀਮਤਾਂ ਵਿੱਚ ਵੀ ਕੀਤੀ ਗਈ ਕਟੌਤੀ
ਇੰਦਰਪ੍ਰਸਥ ਗੈਸ ਲਿਮਟਿਡ ਨੇ ਵੀ ਸ਼ਨੀਵਾਰ ਨੂੰ ਪਾਈਪ ਵਾਲੀ ਕੁਦਰਤੀ ਗੈਸ ਦੀਆਂ ਕੀਮਤਾਂ ਵਿੱਚ ਕਟੌਤੀ ਕਰਨ ਦਾ ਫੈਸਲਾ ਕੀਤਾ ਹੈ। ਦਿੱਲੀ ਵਿੱਚ PNG 53.59 ਰੁਪਏ SCM (standard cubic metre) ਤੋਂ ਘਟ ਕੇ 48.59 SCM ‘ਤੇ ਆ ਗਈ ਹੈ। ਕੀਮਤਾਂ ‘ਚ ਕਟੌਤੀ ਨਾਲ ਆਮ ਲੋਕਾਂ ਨੂੰ ਵੱਡੀ ਰਾਹਤ ਮਿਲੇਗੀ।
ਸੀਐਨਜੀ-ਪੀਐਨਜੀ ਦੀਆਂ ਕੀਮਤਾਂ ਵਿੱਚ ਭਾਰੀ ਵਾਧਾ
ਜ਼ਿਕਰਯੋਗ ਹੈ ਕਿ ਪਿਛਲੇ 2 ਸਾਲਾਂ ‘ਚ CNG ਦੀਆਂ ਕੀਮਤਾਂ ‘ਚ 80 ਫੀਸਦੀ ਤੋਂ ਜ਼ਿਆਦਾ ਦਾ ਵਾਧਾ ਦਰਜ ਕੀਤਾ ਗਿਆ ਹੈ। ਅਪ੍ਰੈਲ 2021 ਤੋਂ ਦਸੰਬਰ 2022 ਦਰਮਿਆਨ ਦਿੱਲੀ ‘ਚ CNG ਦੀ ਕੀਮਤ 15 ਵਾਰ ਵਧਾਈ ਗਈ ਹੈ। ਅਪ੍ਰੈਲ 2021 ਤੱਕ ਸੀਐਨਜੀ ਦੀਆਂ ਕੀਮਤਾਂ ਵਿੱਚ 36.16 ਰੁਪਏ ਪ੍ਰਤੀ ਕਿਲੋਗ੍ਰਾਮ ਯਾਨੀ ਕਿ 83 ਫੀਸਦੀ ਤੱਕ ਦਾ ਵਾਧਾ ਦਰਜ ਕੀਤਾ ਗਿਆ ਹੈ। ਦਿੱਲੀ ਵਿੱਚ PNG ਦੀ ਕੀਮਤ ਵਿੱਚ ਆਖਰੀ ਵਾਧਾ 17 ਦਸੰਬਰ, 2022 ਨੂੰ ਹੋਇਆ ਸੀ। ਦੂਜੇ ਪਾਸੇ PNG ਦੀਆਂ ਕੀਮਤਾਂ ਦੀ ਗੱਲ ਕਰੀਏ ਤਾਂ 7 ਅਗਸਤ, 2021 ਤੋਂ 8 ਅਕਤੂਬਰ 2022 ਦੇ ਵਿਚਕਾਰ PNG ਦੀਆਂ ਕੀਮਤਾਂ 24.09 ਰੁਪਏ ਪ੍ਰਤੀ ਐੱਸ.ਸੀ.ਐੱਮ. ਯਾਨੀ ਕਿ 81 ਫੀਸਦੀ ਵਧੀਆਂ ਹਨ।
ਕਿਉਂ ਘਟਾਈਆਂ ਗਈਆਂ CNG ਅਤੇ PNG ਦੀਆਂ ਕੀਮਤਾਂ ?
ਧਿਆਨ ਯੋਗ ਹੈ ਕਿ ਕੁਦਰਤੀ ਗੈਸ ਦੀਆਂ ਕੀਮਤਾਂ ਵਿੱਚ ਕਟੌਤੀ ਉਦੋਂ ਕੀਤੀ ਗਈ ਸੀ ਜਦੋਂ ਕੈਬਨਿਟ ਨੇ ਕੁਦਰਤੀ ਗੈਸ ਦੀਆਂ ਕੀਮਤਾਂ ਤੈਅ ਕਰਨ ਲਈ ਨਵਾਂ ਫਾਰਮੂਲਾ ਤਿਆਰ ਕੀਤਾ ਸੀ। ਇਸ ਨਵੀਂ ਪ੍ਰਣਾਲੀ ਦੇ ਐਲਾਨ ਤੋਂ ਬਾਅਦ ਹੀ ਕੰਪਨੀਆਂ ਵੱਲੋਂ ਸੀਐਨਜੀ ਅਤੇ ਪੀਐਨਜੀ ਦੀਆਂ ਕੀਮਤਾਂ ਵਿੱਚ ਕਟੌਤੀ ਕੀਤੀ ਗਈ ਹੈ। ਕਿਰੀਟ ਪਾਰਿਖ ਦੀ ਅਗਵਾਈ ਵਾਲੇ ਮਾਹਿਰ ਪੈਨਲ ਦੀਆਂ ਸਿਫਾਰਸ਼ਾਂ ਤੋਂ ਬਾਅਦ ਹੀ ਮੰਤਰੀ ਮੰਡਲ ਨੇ ਇਹ ਫੈਸਲਾ ਲਿਆ ਹੈ।
