ਜੇ ਚਾਰਜਰ ਦਾ ਸਾਕਟ ਪਲੱਗ ‘ਚ ਲਗਿਆ ਰਹੇ ਤਾਂ ਵੀ

#038;imwidth=1200&imheight=628" alt="">

Phone Charger in socket : ਮੋਬਾਈਲ ਫ਼ੋਨ ਸਾਡੀ ਜ਼ਿੰਦਗੀ ‘ਚ ਇੱਕ ਮਹੱਤਵਪੂਰਨ ਸਥਾਨ ਬਣਾ ਚੁੱਕਾ ਹੈ। ਅੱਜ-ਕੱਲ੍ਹ ਜਿੰਨਾ ਬਾਕੀ ਕੰਮ ਜ਼ਰੂਰੀ ਹੈ, ਓਨਾ ਹੀ ਜ਼ਰੂਰੀ ਫ਼ੋਨ ਵੀ ਹੈ। ਫ਼ੋਨ ਤੋਂ ਸਿਰਫ਼ ਮਨੋਰੰਜਨ ਹੀ ਨਹੀਂ, ਸਗੋਂ ਹੋਰ ਵੀ ਕਈ ਜ਼ਰੂਰੀ ਕੰਮ ਹੋਣ ਲੱਗ ਪਏ ਹਨ। ਹਾਲਾਂਕਿ ਫੋਨ ਜਿੰਨਾ ਮਹੱਤਵਪੂਰਨ ਹੈ, ਓਨਾ ਹੀ ਮਹੱਤਵਪੂਰਨ ਇਸ ਦਾ ਚਾਰਜਰ ਵੀ ਹੈ। ਜਦੋਂ ਵੀ ਅਸੀਂ ਲੰਬੇ ਸਮੇਂ ਲਈ ਬਾਹਰ ਜਾਂਦੇ ਹਾਂ ਤਾਂ ਫੋਨ ਦੇ ਨਾਲ ਚਾਰਜਰ ਜ਼ਰੂਰ ਲੈ ਕੇ ਜਾਂਦੇ ਹਾਂ। ਕਈ ਲੋਕਾਂ ਨੂੰ ਫੋਨ ਨੂੰ ਹਰ ਸਮੇਂ ਚਾਰਜ ‘ਤੇ ਰੱਖਣ ਦੀ ਆਦਤ ਹੁੰਦੀ ਹੈ ਅਤੇ ਉਨ੍ਹਾਂ ਦਾ ਚਾਰਜਰ ਹਮੇਸ਼ਾ ਸਾਕਟ ਨਾਲ ਜੁੜਿਆ ਰਹਿੰਦਾ ਹੈ।

ਜ਼ਿਆਦਾਤਰ ਲੋਕ ਫੋਨ ਨੂੰ ਚਾਰਜਿੰਗ ਤੋਂ ਹਟਾ ਤਾਂ ਲੈਂਦੇ ਹਨ, ਪਰ ਚਾਰਜਰ ਨੂੰ ਬੋਰਡ ‘ਚ ਪਲੱਗ ਕਰਕੇ ਛੱਡ ਦਿੰਦੇ ਹਨ। ਪਰ ਕੀ ਅਜਿਹਾ ਕਰਨਾ ਸਹੀ ਹੁੰਦਾ ਹੈ? ਜਦੋਂ ਅਜਿਹਾ ਕੀਤਾ ਜਾਂਦਾ ਹੈ ਤਾਂ ਕੀ ਚਾਰਜਰ ਅਜੇ ਵੀ ਬਿਜਲੀ ਦੀ ਖਪਤ ਕਰਦਾ ਹੈ? ਆਓ ਜਾਣਦੇ ਹਾਂ…

ਕੀ ਸਾਕਟ ‘ਚ ਲੱਗਿਆ ਚਾਰਜਰ ਬਿਜਲੀ ਦੀ ਖਪਤ ਕਰਦਾ ਹੈ?

ਬਹੁਤ ਘੱਟ ਲੋਕ ਅਜਿਹੇ ਹੋਣਗੇ, ਜੋ ਇਸਤੇਮਾਲ ਨਾ ਹੋਣ ‘ਤੇ ਚਾਰਜਰ ਤੋਂ ਸਾਕਟ ਨੂੰ ਬਾਹਰ ਕੱਢਦੇ ਹੋਣਗੇ। ਨਹੀਂ ਤਾਂ ਜ਼ਿਆਦਾਤਰ ਲੋਕ ਇਸ ਨੂੰ ਸਾਕਟ ‘ਚ ਹੀ ਲੱਗਿਆ ਛੱਡ ਦਿੰਦੇ ਹਨ। ਐਨਰਜੀ ਸੇਵਿੰਗ ਟਰੱਸਟ ਦੇ ਅਨੁਸਾਰ ਕੋਈ ਵੀ ਸਵਿੱਚ ਆਨ ਚਾਰਜਰ, ਜੋ ਪਲੱਗ ਇਨ ਕੀਤਾ ਗਿਆ ਹੈ, ਬਿਜਲੀ ਦਾ ਇਸਤੇਮਾਲ ਕਰਨਾ ਜਾਰੀ ਰੱਖਦਾ ਹੈ। ਭਾਵੇਂ ਤੁਹਾਡੀ ਡਿਵਾਈਸ ਇਸ ਨਾਲ ਕਨੈਕਟ ਹੈ ਜਾਂ ਨਹੀਂ। ਮਹੱਤਵਪੂਰਨ ਗੱਲ ਇਹ ਹੈ ਕਿ ਇਸ ਨਾਲ ਨਾ ਸਿਰਫ਼ ਬਿਜਲੀ ਦੀ ਮਾਤਰਾ ‘ਚ ਕੁਝ ਯੂਨਿਟ ਖਰਚ ਹੁੰਦੇ ਹਨ, ਸਗੋਂ ਇਹ ਹੌਲੀ-ਹੌਲੀ ਚਾਰਜਰ ਦੀ ਉਮਰ ਵੀ ਘਟਾਉਂਦਾ ਹੈ।

ਫੋਨ ਦੀ ਬੈਟਰੀ ਨੂੰ ਖਰਾਬ ਹੋਣ ਤੋਂ ਬਚਾਓ

ਫੋਨ ਨੂੰ ਥੋੜ੍ਹੇ-ਥੋੜ੍ਹੇ ਸਮੇਂ ‘ਚ ਚਾਰਜ ਕਰਨ ਨਾਲ ਇਸ ਦੀ ਬੈਟਰੀ ਲਾਈਫ਼ ‘ਤੇ ਵੀ ਅਸਰ ਪੈਂਦਾ ਹੈ। ਇਹੀ ਕਾਰਨ ਹੈ ਕਿ ਮਾਹਰ ਫੋਨ ਦੀ ਬੈਟਰੀ ਲਈ 40-80 ਨਿਯਮ ਦੀ ਪਾਲਣਾ ਕਰਨ ਦੀ ਸਲਾਹ ਦਿੰਦੇ ਹਨ। ਆਪਟੀਮਾਈਜ਼ ਬੈਟਰੀ ਲਾਈਫ਼ ਲਈ ਤੁਹਾਡੇ ਫ਼ੋਨ ਦੀ ਬੈਟਰੀ ਕਦੇ ਵੀ 40 ਫ਼ੀਸਦੀ ਤੋਂ ਘੱਟ ਅਤੇ 80 ਫ਼ੀਸਦੀ ਤੋਂ ਵੱਧ ਨਹੀਂ ਹੋਣੀ ਚਾਹੀਦੀ। ਇਸ ਤੋਂ ਇਲਾਵਾ ਲੋਕ ਕਈ ਵਾਰ ਵੱਖ-ਵੱਖ ਚਾਰਜਰਾਂ ਨਾਲ ਫੋਨ ਚਾਰਜ ਕਰਦੇ ਹਨ। ਪਰ ਅਜਿਹਾ ਕਰਨਾ ਕਿਸੇ ਵੀ ਬੈਟਰੀ ਲਈ ਚੰਗਾ ਨਹੀਂ ਹੈ। ਮਾਹਰ ਇਹ ਵੀ ਸਲਾਹ ਦਿੰਦੇ ਹਨ ਕਿ ਫੋਨ ਨੂੰ ਹਮੇਸ਼ਾ ਅਸਲੀ ਚਾਰਜਰ ਨਾਲ ਚਾਰਜ ਕਰੋ।

ਨੋਟ: ਪੰਜਾਬੀ ਦੀਆਂ ਬ੍ਰੇਕਿੰਗ ਖ਼ਬਰਾਂ ਪੜ੍ਹਨ ਲਈ ਤੁਸੀਂ ਸਾਡੇ ਐਪ ਨੂੰ ਡਾਊਨਲੋਡ ਕਰ ਸਕਦੇ ਹੋ।ਜੇ ਤੁਸੀਂ ਵੀਡੀਓ ਵੇਖਣਾ ਚਾਹੁੰਦੇ ਹੋ ਤਾਂ ABP ਸਾਂਝਾ ਦੇ YouTube ਚੈਨਲ ਨੂੰ Subscribe ਕਰ ਲਵੋ। ABP ਸਾਂਝਾ ਸਾਰੇ ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੇ ਉਪਲੱਬਧ ਹੈ। ਤੁਸੀਂ ਸਾਨੂੰ ਫੇਸਬੁੱਕ, ਟਵਿੱਟਰ, ਕੂ, ਸ਼ੇਅਰਚੈੱਟ ਅਤੇ ਡੇਲੀਹੰਟ ‘ਤੇ ਵੀ ਫੋਲੋ ਕਰ ਸਕਦੇ ਹੋ।

Source